Na tardiña do 14 de decembro saía o grupo de ADS camiño Tui coa intención de culminar a súa aventura, en busca do Códice Telmus.
Asemblea de Nadal 2018
Últimos retoques para o cuadraxésimo aniversario do Centro Xuvenil Abertal na asemblea de Nadal. O pasado sábado, 22 de decemebro de 2018, a Asociación Centro Xuvenil Abertal, entidade socia fundadora da Federación de Centros Xuvenís Don Bosco de Galicia que está a celebrar os 25 anos da súa existencia, celebrou na súa sede social a Asemblea final de ano, e primeira das asembleas trimestrais que se desenvolven ao longo do curso.
Obradoiro de Solidariedade 2018
Misión posible, Nadal solidario: O reto 3t (tres toneladas) conseguido
O Centro Xuvenil Abertal, que pronto cumprirá 40 anos de existencia e compromiso coa mocidade viguesa, estableceu á Obra salesiana de María Auxiliadora de Vigo o reto de acadar as tres toneladas de alimentos para contribuír con Cáritas parroquial para este Nadal.
Alternativa Vaivén – 15 decembro 2018
O sábado 15 de decembro celebrábamos a última actividade de Alternativa Vaivén do ano, mellor dito, de Andaina e Saltimbanquis, xa que ADS estaba de acampada.
Ben cedo nvadían o centro xuvenil mociños e mociñas con ganas de estar cos amigos e amigas, pasalo ben e, tamén por que non, aprender. Logo dunha acollida conxunta na que saúdar ás que facía tempo que non víamos, comezamos a mañá coa celebración de Nadal da man de Javier, na parroquia María auxiliadora. Moitas non se imaxinaban que ademais de rezar, na igresa se podía cantar, bailar, compartir, pero o que si quedou claro foi que todos e todas saían cun sorriso na cara, un agasallo nas mans e no corazón.
A continuación, cada sala do centro xuvenil se transformou para a ocasión. Unha converteuse nun teatro, no que Saltimbanquis escoitaban o evanxeo e os experimentaben para contar os seus propios contos de Nadal. As apertas dos avós, as ceas cos tíos, os xogos cos curmáns, os encontros cos membros lonxanos da familia, etc. eran das cousas máis valoradas destas datas.
Por outra banda, outras salas de Abertal convertéronse en obradoiros, que coa motivación do programa de televisión Art attack moitos “manitas” se puxéron mans á obra para decorar cada rincón. Materiais reciclados como oveiras, vasos de iogur, cartóns, rolos de papel, revistas, etc. reutilizáronse (como ben reza unha das “Regras de Ouro”) e se transformaron en fermosos adornos de Nadal.
E para rematar a mañá, non puidemos deixar de cantar as panxoliñas, menudos artistas!
Aquí podes ver as fotos!
II Torneo Solidario de Baloncesto 3×3 Infantil e Xuvenil
Deporte, noite e solidariedade na segunda edición do Torneo de baloncesto 3×3 de salesianos. Máis de cento sesenta persoas inscritas neste torneo, dentro das actividades da Campaña do Nadal Solidario coordinada desde o Centro Xuvenil Abertal dos salesianos.
Alternativa Vaivén – 1 decembro 2018
O sábado 1 de decembro dábamos comezo en Alternativa Vaivén á sensibilización da campaña de recollida de alimentos do Nadal Solidario, que rematará o 21 de decembro co Obradoiro de Solidariedade. E os animadores e animadoras estamos convencidos que desde o rapaz ou rapaza máis pequeno do centro xuvenil, pode participar e sumar o seu graniño a esta causa.
Alternativa Vaivén – 17 novembro 2018
Coma tódolos venres ás 18h. animadores e animadores Saltimbanquis, Andaina e ADS quedaban para preparar e argallar todas as actividades para o día seguinte.
O sábado ben cedo chegaban os máis madrugadores, animadores, animadoras e algún rapaz. Con toda a ilusión no corpo a sala de materíal fervía, disfraces, xogos para a acollida, material para os tempos de paz; tentando coidar cada detalle.
Alternativa Vaivén – 10 de novembro
A climatoloxía impediu a realización da primeira programación do magosto, que se ía desenvolver no monte Vixiador, mais permitiu xerar unha nova coa que poder estar acubillados por se a choiva se deixaba ver: feira de xogos e música tradicionais que deu paso ás castañas, para seguir aprendendo, gozando e saboreando as nosas tradicións. E foron preto dun cento de rapaces e rapazas as que se achegaron a participar desta fermosa actividade do centro xuvenil.
IV Magosto Rock
Polo San Martiño…vai ó magosto e canta un pouquiño!
O venres 9 pola tardiña xuntámonos para festexar o Magosto, unha das grandes tradicións de Galicia en torno á festa de San Martiño. Puxemos un pouco de leña máis para facer uns bocadillos e así, entre risas e amigos ceamos todos xuntos, mentres que as castañas esperaban nos cucuruchos de papel.
Xa están aquí os primeiros voluntarios europeos!
Xa están na cidade os primeiros voluntarios europeos deste curso 18/19!
Damoslle a benvida a Elena e Moritz, chegados de Italia e Austria respectivamente,