VI Mañás de Nadal

Outro ano máis, abrimos as nosas portas a 34 pequenos e pequenas de Vigo nas “Mañás de Nadal” desde o día 22 de decembro de 2016 ata o 5 de xaneiro do 2017, ambos incluídos. Rapaces e animadores (mozos e mozas de Vigo e comarca) reunímonos cada día, dende as 8,45 h. da mañá ata as 14,00 h. da tarde.

Obradoiros para adornar a árbore de Nadal, saídas pola cidade, talleres de cociña ou de reciclaxe, xogos cooperativos, procura do tesouro ou grandes xogos de mesa… son actividades programadas para que os rapaces e rapazas pasen un tempo de lecer de calidade mentres as súas familias traballan ou fan os últimos recados destas datas.
Así que este Nadal o centro de lecer xuvenil foi ocupado nas mañás por nenos e nenas de toda a cidade. Queremos que Abertal sexa un lugar para rir, soñar, xogar, imaxinar e crear, de todo menos aburrirse.

Aquí tedes unha mostra do ben que o pasamos.