Debido á demanda de moitas familias por conciliar a vida laboral e familiar no mes de setembro, antes de inicio do curso, e trala boa experiencia de anos anteriores, a Asociación Centro Xuvenil Abertal, coa colaboración do Club de Baloncesto Salesianos, comunicámosvos a posta en marcha das “X Mañás de Setembro”.
Os obxectivos deste proxecto son educar en valores a través do xogo, favorecer a creatividade dos rapaces e rapazas, a participación e o traballo en equipo, fomentar a cooperación e a diversión, empregando novamente as instalacións do colexio fóra do horario escolar.
Datas: do 1 ao 8 de setembro (de luns a venres).
Lugar: Instalacións do Colexio e do Centro Xuvenil.
Destinatarios/as: Nenos e nenas de 4º de Infantil (ano de nacemento 2019) a 2º ESO (ano de nacemento 2009) incluídos.
Horario de actividade: de 8:45 h a 14:15 h.
Entrada: de 8:45 h a 9:15 h. / Saída: de 13:45 h a 14:15 h.
* A entrada e saída de rapaces e rapazas realizarase pola porta verde do patio do colexio Salesianos.
* Para poder facilitar a conciliación, ofrecemos os servizos de Madrugadores (de 7:45 a 8:45) e Friameira (de 14:15 a 15:30).
Prazo de inscrición: do 1 ao 27 de agosto
Cotas:
|
COTA BASE |
DESCONTOS |
|||
|
SOCIO/A ANPA |
SOCIO/A ABERTAL |
2º IRMÁN/Á OU MÁIS |
||
|
70€ |
5 € |
5 € |
5 € |
|
|
|
(*) Estes tres descontos son acumulativos |
|||
|
COMPLEMENTOS / SERVIZOS |
||
|
MADRUGADORES |
12€ |
(*) Mínimo de 10 inscricións de nenos/as. |
|
FRIAMEIRA |
15€ |
(*) Mínimo de 10 inscricións de nenos/as. |
A organización das X Mañás de Setembro será a seguinte:
- Primeira actividade (de 9:15 h a 11:15 h): os nenos e nenas poderán escoller entre:
- Adestramento de fútbol, realizado por adestradores/as do club.
Dirixido a nenos e nenas con data de nacemento entre os anos 2009 e 2019.
- Adestramento de baloncesto, realizado por adestradores/as do club.
Dirixido a nenos e nenas con data de nacemento entre o 2009 e o 2018.
- Actividade de Abertal, dirixida a nenos e nenas con data de nacemento entre os anos 2009 e 2019.
- Tempo libre e merenda (de 11:15 h a 11:45 h): hai que traer merenda e botella de auga.
- Segunda actividade (de 11:45 h a 13:45 h). Tódolos nenos e nenas farán unha actividade organizada por Abertal (obradoiros, xogos, actividades de animación á lectura, busca do tesouro…).