Non vai moito que estabamos celebrando o Entroido, e hoxe, 1 de Abril, despedimos as vacacións de Semana Santa. Abertal, por décimo segundo ano consecutivo, abriu as súas portas para facilitar a conciliación familiar e así poder xogar e facer novas amizades.
Nestas XII Mañás de Semana Santa Abertal acolleu a 36 rapaces e rapazas de 4º de Ed. Infantil a 6º de Ed. Primaria, os días 25, 26, 27 de marzo e 1 de Abril.
Foron uns días estupendos a pesar da choiva nos que aproveitaron para cociñar, pintar, facer experimentos, participar nun scaperoom, e unha morea de xogos máis. Pero o máis importante é que en grupo faise mellor!
Outras vacacións que xa tocan ao seu fin, pero sabendo que todos e todas levaron unha lembranza do ben que o pasaron estes días. Queremos que Abertal siga sendo un lugar para rir, soñar, xogar, imaxinar e crear, de todo menos aburrirse, por iso nos poñemos xa a preparar as seguintes Mañás de… Verán!!
Agardámosvos!
Para ver unha escolma das fotos pincha aquí.