O Centro Xuvenil Abertal imparte o Curso de Monitor de Tempo Libre, abalado pola Escola de Tempo Libre Don Bosco en 200 h. combinando formación presencial e telemática

A titulación de monitores e monitoras de actividades de tempo libre é un título que concede a Dirección Xeral de Xuventude. Para a súa obtención están recoñecidas unhas institucións chamadas "Escolas de tempo libre". Entre estas, atópase a Escola de Tempo Libre e Animación Sociocultural Don Bosco, recoñecida para ese efecto o 1 de Xuño de 1986.

Ler máis: Curso de Monitor/a de Tempo Libre

Logo de meses sin vernos, os grupos Saltimbanquis, Andaina e ADS quixeron manter 4 encontros locais, nas instalacións do centro xuvenil Abertal xa que este verán non poderíamos gozar dos campamentos cos nosos amigos e amigas de outros centros xuvenís.

Ler máis: Vaivén no Verán

Os grupos de Alternativa Vaivén (Saltimbanquis, Andaina e ADS) do Itinerario de Educación na Fe deron por rematado este curso dun xeito especial, coa Festa dos Símbolos.

Ler máis: Festa dos Símbolos - Alternativa Vaivén

Xa na súa XIII edición, a Asociación Centro Xuvenil Abertal (Vigo, r/Venezuela, 3) abriu as súas portas no medio desta situación de dificultade para moitas familias ofertando as “XIII Mañás de Verán” como unha opción de conciliación moi valiosa nos tempos que corren. Está a ser un campamento adaptado ás idades, de entre 3 e 14 anos, aberto á cidade, tendo a opción de apuntarse ata 6 semanas, coincidindo coas vacacións estivais, ao longo dos meses de xuño e xullo 2020.

Ler máis: XIII Mañás de Verán

Durante todo o confinamento, os grupos de Catecumenado mantiveron na medida do posible encontros virtuais, de xeito que o grupo se foi convertindo nun apoio máis e un momento de desconexión nestes meses. Pois con moitas ganas, agardando á fase na que se puideran realizar actividades xuvenís, o grupo de Catecumenado 1 era o primeiro en reunirse presencialmente (agardando a que se animen o resto de grupos), o pasado xoves 11 de xuño 2020, mantendo as distancias e reprimindo eses abrazos que tantas ganas tiñan de darse. Faltou tempo de reunión para propoñer actividades para o verán, nas que o voluntariado ocupaba un bo lugar. Tempo para retomar as relacións, poñerse ao día, facer plans e moitas risas, que ben o necesitaban!