•  

Debido á demanda de moitas familias por conciliar a vida laboral e familiar no mes de setembro antes do inicio do curso e despois da boa experiencia dos anos pasados, a Asociación Centro Xuvenil Abertal, coa colaboración do Club de Baloncesto Salesianos (sección de baloncesto e sección de fútbol sala), poñémonos en contacto con vós para anunciarvos a posta en marcha das “IX Mañás de Setembro”.

Os obxectivos deste proxecto son educar en valores a través do xogo, favorecer a creatividade dos vosos fillos/as, a participación e o traballo en equipo, fomentar a cooperación e a diversión e poder seguir empregando as instalacións do noso colexio fóra do horario escolar.

                Datas: do 1 ao 7 de setembro (de luns a venres)

  • Lugar: Instalacións do Colexio e do Centro Xuvenil.
  • Destinatarios/as: Nenos e nenas dende 4º de Infantil (nacidos en 2018) ata 2º ESO (nacidos en 2008) incluídos.
  • Horario: Entrada: de 8:30 a 9:00 h    /    Saída: de 14:00 a 14:30 h.

Os nenos e nenas de Educación Infantil (nacidos entre os anos 2018 e 2016) entrada e saída polo portalón verde do patio, no calexón dos Salesianos.

Os nenos e nenas de Educación Primaria e ESO (nacidos entre o 2015 e o 2008) entrada e saída por Abertal (Rúa Venezuela nº 3).

  • Prazo de inscrición: do 5 ao 28 de agosto (ámbolos dous incluídos).
  • Cotas:

COTA BASE

DESCONTOS

SOCIO/A ANPA

SOCIO/A ABERTAL

2º IRMÁN/Á OU MÁIS

65€

5 €

5 €

5 €

 

 

(*) Estes tres descontos son acumulativos

         

A organización das IX Mañás de Setembro será a seguinte:

  • Primeira actividade (de 9:30 a 11:30 h): os nenos e nenas poderán escoller como actividade:
  • Adestramento de fútbol, realizado por adestradores/as do club.

Dirixido a nenos e nenas con data de nacemento entre os anos 2008 e 2018.

  • Adestramento de baloncesto, realizado por adestradores/as do club.

Dirixido a nenos e nenas con data de nacemento entre o 2008 e o 2017.

  • Actividade de Abertal, dirixida a nenos e nenas con data de nacemento entre os anos 2018 e 2008.
  • Tempo libre e merenda: de 11:30 a 12:00 h (traer merenda e botella de auga).
  • Segunda actividade de 12:00 a 14:00 Tódolos nenos e nenas farán unha actividade de Abertal. O tipo de actividades que se levarán a cabo serán, entre outras: obradoiros, xogos, actividades de animación á lectura, búsquedas do tesouro, deportes …

Podedes facer as inscricións ata o 28 de agosto.