Xa rematou a primeira quenda das VIII mañás de Nadal. Corenta rapazas e rapaces desde 4º de Infantil ata 6º de primaria gozaron duns días diferentes de vacacións.

O primeiro día foi un pouco difícil, sobre todos para os máis pequenos, deixar atrás ás nais e país…pero dous días despois, non querían marchar á casa. Pouco a pouco o grupo fai que os medos se derruben e comece a diversión.

Nesta 1ª quenda tivemos obradoiros para adornar a nosa árbore de nadal; visitamos a 53º edición do concurso de beléns de Afundación; entramos dentro do árbore de Nadal máis grande de España. Tamén tivemos unha sesión de cocina, grandes xogos no patio e moito máis.

Estas actividades queren ser á vez, unha oportunidade para que as rapazas e rapaces gocen dun tempo de lecer de calidade mentres as súas familias traballan ou fan os últimos recados destas datas.
Aínda nos queda a 2º quenda das VIII Mañás de Nadal para seguir ofertando un lugar para rir, soñar, xogar, imaxinar e crear, de todo menos aburrirse.